Góð likamleg heilsa er ekki endilega að líða fullkomlega í líkamanum alltaf. Góð líkamleg heilsa er að vera tilbúin og vita af bjargráðum sem geta virkað ef upp koma áskoranir eða verkir því líðan í líkamanum getur sveiflast upp og niður. Þegar við sveiflumst niður eða finnum fyrir óþægindum eða verkjum er gott að vita hvað við getum gert hvort sem það er eitthvað sem við höfum gert áður og virkar vel fyrir okkur eða hvort við höfum heyrt að það geti virkað vel. Áskoranir geta verið andleg vanlíðan, verkir eða óþægindi og það getur líka verið félagsleg vanlíðan. Mikilvægt er að sinna fyrirbyggjandi þáttum til að koma í veg fyrir að við förum of oft niður í vanlíðan í líkamanum. Fyrirbyggjandi þættir eru að hreyfa sig, sofa vel og næra sig vel. Það er mismunandi hvað hentar hverjum og einum en mikilvægast er að þú finnir hvað hentar þér.

Gerum æfingarnar saman í dag. Gerum sex endurtekningar af hverri æfingu og þrjár umferðir. Setjumst á gólfið og byrjum á því að gera hjólamaga, gerum svo bátinn þar sem við ruggum okkur á bakinu og förum svo yfir á magann og gerum bakfettur. Endum æfinguna með því að fara í kanínuna og teygja okkur fram.

Búnaður sem þarf í þessa æfingu er borð eða stóll fyrir hvern nemanda.Í dag gerum við eins margar umferðir og við getum á 2 mínútum. 5 endurtekningar af kálfalyftum með bogin hné, 5 kálfalyftur með bein hné, Förum í plankastöðu og snertum gagnstæða hendi 10 sinnum og endum á tíu axlalyftum.

Gerum eins margar umferðir og við getum á 2 mínútum. Allar æfingarnar eru gerðar við stól eða borð. 10 fjallaklifur, 10 sekúndur í planka og 10 hnébeygjur.

Það þarf engan búnað í þessa æfingu. Gerum eins margar æfingar og við getum á tveimur mínútum. Æfingarnar eru 10 afturstig, 5 hopp og 10 kálfalyftur. Hraði í æfingunum er einstaklingsbundinn og hvíld eftir þörfum.