Líkamsstaða er það hvernig líkaminn okkar er þegar við sitjum, stöndum eða erum kyrr. Okkur hefur oft verið sagt að við eigum að vera bein í baki eða standa og sitjan á ákveðinn hátt en það að vera með beint bak er ekkert endilega besta líkamsstaðan. Besta líkamsstaðan er sú staða sem okkur líður vel í þá stundina. Ef mér finnst gott að sitja á ákveðinn hátt er í lagi að ég sitji þannig. Líkaminn þreytist ef við erum kyrr of lengi og þá fer hann að senda okkur skilaboð um að hann sé þreyttur, pirraður eða fær verki og þá er hann að biðja okkur um að skipta um stöðu eða standa upp og hreyfa okkur. Þannig kallar hann á bestu líkamsstöðuna okkar. Þess vegna er ekki einhver ein líkamsstaða sem er best heldur er best að breyta um stöðu eftir því sem líkaminn vill.

Engan búnað þarf í þessa æfingu. Gerum eins margar umferðir og við getum á 2 mínútum. Æfingarnar eru 10 lágar hnélyftur, 10 lágar hnélyftur, tíu hælar í rass og tíu hnébeygjur. Hér þarf ekki að fylgja öllu myndbandinu eftir nákvæmlega. Hvert og eitt vinnur á sínum hraða.

Engan búnað þarf í þessa æfingu. Gerum æfingarnar saman í dag, standið upp og fylgið myndbandinu. Gerum þrjár umferðir af eftirfarandi æfingum, 5 réttstöðulyftur, 5 niðurtog, 5 róður í framhallandi stöðu, 5 sekúndur á öðrum fæti.

Gerum æfingarnar saman í dag. Stöndum upp og byrjum á tíu sprellikörlum eða venjulegum hoppum á staðnum fyrir þau sem vilja. Hoppa fram 5 sinnum því næst 10 hnébeygjur á tánum eða ganga á staðnum á tánum fyrir þau sem vilja.

Búnaður sem þarf í þessa æfingu er borð eða stóll fyrir hvern nemanda.Í dag gerum við eins margar umferðir og við getum á 2 mínútum. 5 endurtekningar af kálfalyftum með bogin hné, 5 kálfalyftur með bein hné, Förum í plankastöðu og snertum gagnstæða hendi 10 sinnum og endum á tíu axlalyftum.